Ministri Shala dhe Kryetari Haliti përurojnë Qendrën Rinore në Viti

/2L ONLINE/ – Zv. Kryeministri i Republikës së Kosovës, Kujtim Shala i cili njëherit është edhe Ministër për Kulturë, Rini dhe Sport, me një pjesë të kabinetit të tij ka vizituar sot komunën e Vitisë. Me këtë rast ai është takuar me kreun e kësaj komune, z. Sokol Haliti me bashkëpunëtor ku gjatë këtij takimi është nënshkruar edhe një memorandum për rivitalizimin e shkollës së pare shqipe në fshatin Stubëll e Epërme. Po ashtu ata kanë përuruar edhe Qendrën Rinore në Viti, qendër kjo e cila është bashkëfinancim i MKRS-së dhe Komunës së Vitisë. Ndërkaq gjatë ditës së sotme u bë e ditur se po ashtu se shpejti do të fillojnë punët në Palestrën Sportive në Viti, si dhe u fol për projektin e rivitalizimit të Shtëpisë së Kulturës nga Komisioni Evropian dhe MKRS.

Kujtim Shala, zv Kryeministri i Republikës së Kosovës dhe njëherit edhe Ministër për Kulturë, Rini dhe Sport pas përurimit të Qendrës Rinore dhe nënshkrimit të memorandumit për riviztalizimin e objektit të shkollës së parë shqipe në Stubell ka folur edhe për bashkëpunimin e Ministrisë së tij me komunën e Vitisë. “ Ne do të vazhdojmë investimet e rëndësishme kapitale në komunën e Vitisë, po ashtu siç tha kryetari do të rivitalizojmë me komunën dhe Komisionin Evropian Shtëpinë e Kulturës. Po ashtu do të bëjmë edhe investime të rëndësishme në shkollën e parë shqipe në Stubëll ndërsa brenda pak javesh do të fillojnë punimet në palestrën sportive, projekt ky i rëndësishëm dhe një projekt kapital rreth një milion euro” u shpreh Ministri Shala.

Ndërsa Kryetari i Komunës së Vitisë, Sokol Haliti falënderoj Ministrinë për Kulturë, Rini dhe Sport për projektet e tyre duke përmendur në veçanti edhe projektin e Qendrës Rinore. “ Falënderoj Ministrin Shala dhe MKRS-së, që na ka bërë të mundshme sidomos rinis vitiase që të këtë qendrën rinore, t a këtë kulmin mbi kokë ku mund të zhvilloj aktivitetet”. U shpreh Haliti. Ai tha se sot është nënshkruar edhe një memorandumi për shkollën e parë shqipe që daton nga viti 1905 në Stubëll duke përmendur njëkohësisht realizimin e një projekti të përbashkët në mes të MKRS-së Komisionit Evropian për rivitalizimin e Shtëpisë së Kulturës në Viti.

Ndërkaq Drejtoresha për Kulturë, Rini dhe Sport, Kaltrina Sylejmani falënderoj të gjithë ata që kanë kontribuar në realizimin e projektit të qendrës rinore por edhe të gjitha ata që po ndihmojnë zhvillimit të kulturës në Komunën e Vitisë. Ndërkaq Kryetari i Këshillit Rinor Lokal, Adnan Ramadani ka folur për planin e KVRL-së në këtë qendër Rinor. Po ashtu sot DKRS ka mbajtur edhe një diskutim publik me të rinjtë, kryesisht nxënës të shkollave të mesme lidhur me Draft Rregulloren për Organizimin dhe funksionimin e qendrës rinore. /2L ONLINE/