Ministri Mustafa vizitoi Parlamentin e Mbretërisë së Bashkuar

Ministri i Punëve të Brendshme, Ekrem Mustafa, me ftesë të parlamentarit z. John Grogan, vizitoi Dhomën e Ulët të Parlamentit të Mbretërisë së Bashkuar, ku u takua me disa anëtarë të parlamentit britanik.

Parlamentarët britanik shfaqën interes të jashtëzakonshëm për zhvillimet në Kosovë dhe situatën e përgjithshme në vend.

Ministri Mustafa kërkoi që të vazhdojë mbështetja për Kosovën, përfshirë këtu edhe disa aspekte lobuese lidhur me përforcimin e subjektivitetit ndërkombëtar të Republikës së Kosovës.