Ministri Mehaj priti në takim ambasadorin britanik, Nicholas Abbot
Ministri i Mbrojtjes, Armend Mehaj, ka pritur në takim, ambasadorin e Mbretërisë së Bashkuar, Nicholas Abbot.
Me këtë rast, ministri Mehaj e falënderoi Ambasadorin Abbot për përkrahjen e deritanishme të dhënë për Republikën e Kosovës dhe në veçanti për Ministrinë e Mbrojtjes dhe FSK-në.
Më tej, në këtë takim u diskutua lidhur me projektet e përbashkëta që kanë të dy vendet, në kuadër të planit të bashkëpunimit bilateral në fushën e mbrojtjes dhe sigurisë.
Gjithashtu, temë e këtij takimi ishte edhe zhvillimet aktuale të sigurisë në regjion dhe më gjerë, të reflektuara nga agresioni ushtarak i Rusisë mbi Ukrainën.
Të dy bashkëbiseduesit u pajtuan për intensifikimin e angazhimit në të ardhmen me qëllim të ruajtjes së paqes dhe sigurisë rajonale dhe më gjerë. /2LONLINE/