Ministri Mehaj dhe Gjeneral Jashari vizituan Komandën e Doktrinës dhe Stërvitjes

Ministri i Mbrojtjes, Armend Mehaj, së bashku me Komandantin e FSK-së, gjenerallejtënant Bashkim Jashari, vizituan Komandën e Doktrinës dhe Stërvitjes (KDS) në Ferizaj, ku u pritën nga Komandanti i KDS-së, gjeneral brigade Jeton Dreshaj, të cilit ia uruan detyrën e tij të re.

Ministri Mehaj tha se KDS është qendër graviteti për zhvillimin profesional ushtarak të FSK-së, ku trajnimet, ushtrimet, shkollimet, specializimet ushtarake, simpoziumet, seminaret dhe kurset janë baza e misionit të KDS-së.

Gjithashtu në takim u theksua se ngritja e kapaciteteve për ushtrime kolektive, virtuale, me simulime dhe ushtrime të vendkomandës janë prioritet i KDS-së për ndërveprim, sipas standardeve të NATO-s.

KDS-ja po rritë kapacitetet e saja me edukim profesional të nivelit të mesëm deri në gradën ushtarake të kapitenit, profilizimet ushtarake me fokus në këmbësori dhe mbështetje luftarake. /2LONLINE/