Ministri Maqedonci mirëpriti në takim Komandantin e Forcave Tokësore të Turqisë, gjeneralin Tokel

Ministri në detyrë i Mbrojtjes, Ejup Maqedonci, priti sot në takim Komandantin e Forcave Tokësore të Turqisë, gjeneral Metin Tokel, me të cilin zhvilloi biseda rreth thellimit të bashkëpunimit ushtarak ndërmjet Republikës së Kosovës dhe Republikës së Turqisë.

Gjatë takimit, u diskutua për avancimin e trajnimeve dhe ushtrimeve të përbashkëta, forcimin e bashkëpunimit në industrinë e mbrojtjes, si dhe mundësitë për prokurime të ardhshme ushtarake, në përputhje me nevojat e Forcës së Sigurisë së Kosovës dhe zhvillimet bashkëkohore teknologjike.

Ministri Maqedonci falënderoi gjeneral Tokelin për kontributin e vazhdueshëm të trupave turke në kuadër të misionit të KFOR-it, si dhe për mbështetjen e vazhdueshme të Turqisë për paqen, sigurinë dhe zhvillimin e Kosovës.

Turqia do të mbetet një partner strategjik dhe i çmuar për shtetin tonë, thuhet në njofitmi ne Ministrisë së Mbrojtjes.  /2LONLINE/