Ministri i Mbrojtjes, Ejup Maqedonci mirepret ne takim gjeneralmajor Stephen Osborn

Ministri i Mbrojtjes, Ejup Maqedonci, sot priti në takim Agjutantin e Përgjithshëm të Gardës Kombëtare të IOWA-s, gjeneralmajor Stephen Osborn.

Në takim u theksua rëndësia e partneritetit të deritanishëm në kuadër të Programit të Partneritetit Shtetëror, si dhe u dakordua për zgjerimin e bashkëpunimit në fusha të ndryshme, përfshirë trajnimet, stërvitjet e përbashkëta dhe zhvillimin profesional të pjesëtarëve të Forcës së Sigurisë së Kosovës.

Ministri falënderoi gjeneralin Osborn dhe Shtetet e Bashkuara të Amerikës për mbështetjen e vazhdueshme dhe të palëkundur ndaj Kosovës, si dhe për forcimin e ushtrisë sonë.

Bashkëpunimi ndërmjet FSK-së dhe Gardës Kombëtare të IOWA-s mbetet një ndër shtyllat kryesore në ngritjen e kapaciteteve tona operacionale dhe të ndërveprueshmërisë me partnerët strategjikë. /2LONLINE/