Ministri i Mbrojtjes dhe Komandanti i FSK-së pritën në takim shefin e Operacioneve dhe të Misioneve të NATO-s

Ministri i Mbrojtjes dhe Komandanti i FSK-së pritën në takim shefin e Operacioneve dhe të Misioneve të NATO-s

Ministri i Mbrojtjes, z. Rrustem Berisha dhe komandanti i Forcës së Sigurisë së Kosovës, gjenerallejtënant Rrahman Rama, pritën sot në takime të ndara, z. Michel Soula – shef i Operacioneve dhe Misioneve të NATO-s, i cili shoqërohej nga drejtori i Ekipit Këshillues dhe Ndërlidhës të NATO-s (NALT), gjeneral brigade Michael Oberneyer.

Ministri Berisha, me këtë rast e ka falënderuar, z. Soula, për angazhimin e NATO-s, për paqe dhe siguri në Kosovë, për bashkëpunimin e shkëlqyer me KFOR-in dhe ekipin e NALT-it, për angazhimin dhe interesimin e NATO-s për Kosovën, sigurinë dhe prosperitetin e saj, duke theksuar se Kosova është fuqishëm e përkushtuar ndaj vlerave euroatlantike. Po ashtu ai e njoftoi delegacionin e NATO-s, me aktivitet e Ministrisë së Mbrojtjes me theks të veçantë në procesin e tranzicionit të FSK-së, duke rikonfirmuar se ky proces do të jetë transparent dhe i bashkërenduar me aleatët dhe partnerët tanë strategjik.

Ndërsa, komandanti i FSK-së, gjenerallejtënant Rrahman Rama gjatë takimit me shefin e Operacioneve dhe Misioneve të NATO-s z. Michel Soula, e ka njoftuar atë me të arriturat e fundit të FSK-së si dhe planet e zhvillimit të saj në të ardhmen. Ai po ashtu theksoi se

FSK-ja aktualisht është duke punuar në realizimin e objektivave që dalin nga plani gjithëpërfshirës i tranzicionit. Komandanti i FSK-së, gjenerallejtënant Rrahman Rama shprehi nevojën e thellimit të bashkëpunimit me NATO-n, Ekipin Këshillues dhe Ndërlidhës të NATO-s (NALT), duke theksuar se FSK-ja është e gatshme që me kapacitetet e tanishme profesionale të jap kontributin e vet përkrah aleatëve në misione paqësore.

KOMENTE