Ministri i Mbrojtjes dhe Komandanti i FSK-së me rastin e pensionimit pritën në takim lamtumirës Sejdi Gecin

Ministri i Mbrojtjes, Ejup Maqedonci së bashku me Komandantin e FSK-së, gjenerallejtënant Bashkim Jashari, me rastin e pensionimit të Sejdi Gecit, Shef i Sektorit për Bashkëpunim Civilo-Ushtarak në pritjen e organizuar për këtë rast, për performancën e lartë, përkushtimin dhe kontributin e tij të dalluar në zhvillimin e kapaciteteve të Ministrisë së Mbrojtjes i ndanë Medaljen për “Shërbim të Shquar”.

Duke i dëshiruar pensionim të qetë, shëndet e të mira në jetë, ministri Maqedonci shprehu mirënjohje për angazhimin e tij të pakursyer dhe të pandërprerë në rritjen e bashkëpunimit civilo-ushtarak, që ka qenë kontribut i drejtë për drejtë, në rritjen e besueshmërisë nga qytetarët për FSK-në dhe Ministrinë e Mbrojtjes. /2LONLINE/