Ministri Ejup Maqedonci priti në takim lamtumirës këshilltarin bilateral të Italisë, Osvaldo Ceronin
Ministri në detyrë i Mbrojtjes, Ejup Maqedonci, sot priti në takim lamtumirës këshilltarin bilateral të Italisë në Ministrinë e Mbrojtjes dhe në Forcën e Sigurisë së Kosovës, kolonel Osvaldo Ceronin me rastin e përfundimit te misionit të tij në Kosovë.
Me këtë rast, ministri falënderoi kolonel Ceronin për kontributin e tij në zhvillimin e kapaciteteve të FSK-së, ku edhe gjatë kësaj periudhe, ekipi i kadetëve nga Akademia Ushtarake e Kosovës mori pjesë në Garën e 23-të të Ligjit të Konfliktit të Armatosur për Akademitë Ushtarake.
Ministri falënderoi kolonel Ceronin për kontributin e tij në forcimin e bashkëpunimit bilateral dhe i dëshiroi suksese në detyrën dhe misionin e ri. /2LONLINE/