Ministri Ejup Maqedonci priti në takim ambasadorin e Turqisë, Sabri Tunç Angili.

Ministri i Mbrojtjes, Ejup Maqedonci, priti sot në takim ambasadorin e Republikës së Turqisë, Sabri Tunç Angili.

Gjatë takimit, ambasadori Angili përcolli urimet më të sinqerta për rezultatin e zgjedhjeve, ndërsa diskutimet u përqendruan në thellimin e bashkëpunimit bilateral në fushën e mbrojtjes dhe sigurisë. Në këtë kontekst, u theksua rëndësia e koordinimit të ngushtë në situatën aktuale gjeopolitike.

Të dyja palët rikonfirmuan angazhimin për të punuar së bashku në forcimin e sigurisë dhe stabilitetit.

Një zhvillim i rëndësishëm në këtë drejtim është ndërtimi i fabrikës së municionit dhe dronëve “Made in Kosova”, projekt që do të realizohet përmes marrëveshjes së nënshkruar me kompaninë shtetërore turke MKE. /2LONLINE/