Ministri Demolli priti një delegacion të Unionit të Shqiptarëve të Kroacisë
Ministri i MFSK-së, Haki Demolli priti sot një delegacion të shqiptarëve nga Unioni i Shqiptarëve në Republikën e Kroacisë, në përbërje: Esad Çollaku kryetar i këtij Unioni, Znj. Ermira Lekaj-Përlaskaj, Tom Kaçinari, kryetar i Veteranëve të Kroacisë, Gëzim Rexhepi zv. ministër i Shëndetësisë në Qytetin e Zagrebit dhe Adrian Kozniku futbollist.
Ministri Demolli me këtë rast e ka falënderuar delegacionin e shqiptarëve nga Kroacia për kontributin e tyre në bashkëpunimin e mirë që kanë me Republikën e Kroacisë. Më pastaj ministri Demolli delegacionin e shqiptarëve nga Kroacia e njoftoi me zhvillimet dhe të arriturat e përgjithshme të FSK-së, me theks të veçantë foli për bashkëpunimin e shkëlqyeshëm që ka me FSK-ja me Ministrinë e Mbrojtjes së Kroacisë dhe Ushtrinë e Kroacisë, në të gjitha fushat që janë me interes për FSK-në.
Gjatë takimit të sotëm u bisedua edhe për sjelljen e eshtrave të ushtarëve shqiptarë të vrarë në luftën e Kroacisë. Në fund, delegacioni nga Kroacia falënderoi ministrin Demolli për pritjen si dhe premtuan angazhimin e Unionit të Shqiptarëve në Republikën e Kroacisë për FSK-në.