Ministri Bedri Hamza priti në takim ambasadorin e Britanisë së Madhe Ruairi O’Connell

Ministri i Financave Bedri Hamza ka pritur sot në takim ambasadorin e Britanisë së Madhe Ruairi O’Connell, me të cilin diskutuan për bashkëpunimin ndërmjet dy vendeve.

Me këtë rast Ministri Hamza duke shprehur gatishmërinë e tij për vazhdimin dhe thellimin e mëtutjeshëm të bashkëpunimit ndër institucional, e vlerësoj lartë ndihmën gjithëpërfshirëse të Britanisë së Madhe ndaj Kosovës. Më tutje Ministri e informoj Ambasadorin për hapat e ardhshëm që do të ndërmerr dhe prioritetet e Ministrisë së Financave.

Ministri Hamza gjithashtu e njoftoi ambasadorin Ruairi O’Connell për prioritet e Qeverisë dhe planin e adresimit të sfidave në fushën e ekonomisë për ruajtjen e rritjes ekonomike dhe ruajtjen e indikatorëve makro fiskal, si dhe për përkushtimin në luftimin e ekonomisë joformale.

Ndërsa, ambasadori Ruairi O’Connell shprehi gatishmërinë e tij dhe të shtetit që ai përfaqëson në ofrimin e ndihmës dhe bashkëpunimit me Ministrinë e Financave në fushat të cilat ofrojnë qëndrueshmëri makro-fiskale dhe zhvillim për Kosovën.