Ministri Agani premtoi ndihmë për projektin e ndërtimit të Qendrës Emergjente-diagnostike

(2LONLINE) – Në Spitalin regjional të Gjilanit (SRGJ), ishte për një vizitë pune ministri I Shëndetësisë Ferid Agani, së bashku me me zëvendësministrin Kadir Hyseini, këshilltarët e tjerë por drejtoresha e Drejtorisë Komunale të Shëndetësisë së Gjilanit Labinotë Demi-Murtezi.

Drejtori I SRGJ-së Abdyltif Latifi së bashku me stafin menaxhues, njoftuan ministrin Agani me të arriturat dhe sukseset që po arrihen në këtë spital, si dhe me përkushtimin dhe punën e kryer të punëtorëve të këtij spitali, ka bërë të ditur zëdhënësi I SRGJ-së Dr.Selami Kurteshi.

Ai tha se ministri Agani u interesua dhe bëri pyetje rreth furnizimit me barna emergjente për pacientët e këtushëm. Drejtori Latifi e njoftoi ministrin që furnizimi me barna emergjente është shumë I mirë dhe se pacientët tani nuk kanë nevojë të blejnë asnjë barë të kësaj kategorie. Po ashtu, Drejtori Latifi njoftoi që këtë vit borxhet e spitalit janë zvogëluar në minimum duke pasur parasysh që vitin e kaluar borxhi total I këtij spitali ka qenë rreth 700.000 € , ndërsa këtë vit kemi hyrë me një borxh prej 130.000 €. Krejt kjo duhet falënderuar menaxhimit të mirë të mjeteve financiare, thotë zëshënëdsi i Spitalit Selami Kurteshi..

Drejtoresha klinike e SRGJ-së Selvete Shurdhani njoftoi ministrin edhe për gjendjen në lidhje me gripin e Derrit(virusi AH1N1).Ajo deklaroi se gjerë më tani janë zbuluar 8 pacientë pozitiv në këtë virus, prej tyre 4 janë duke u mjekuar në SRGJ.

Ata vizituan edhe sallën e lindjes dhe repartin e Neonatologjisë. Ministri Agani premtoi edhe ndihmë për projektin e madh, për ndërtimin e qendrës Emergjente-diagnostike, projekt ky që llogaritet të kushtojë rreth 800.000 €, por që llogaritën një projekt jetik në të ardhmen për pacientët e këtij rajoni. /2lonline/