Mimoza Kadriu – Qerimi në krye të Forumit të Gruas të Nisma Socialdemorkate në Gjilan

Mimoza Kadriu – Qerimi në krye të Forumit të Gruas të Nisma Socialdemorkate në Gjilan

Nën masa të rrepta antiCovid dhe me një numër të kufizuar të pjesëmarrjes, Partia Nisma Socialdemokrate mbajti Kuvendin Zgjedhor të Forumit të Gruas. Nga ky kuvend u zgjodhen strukturat organizative të këtij forumi si: këshilli drejtues dhe kryesia, derisa në mënyrë unanime u zgjedh kryetare e Forumit të Gruas të Nisma-s në Gjilan, Mimoza Kadriu-Qerimi.

Në fjalën e saj, Kadriu – Qerimi falënderoi të gjitha gratë për besimin dhe mbështetjen e ofruar për të.

Në rrethana te tilla, ajo tha se ishin të detyruar që me një numër simbolik të organizojnë këtë kuvend, në krahasim me fuqinë që Forumi i Gruas së Nisma-s e ka në Gjilan.

“Jemi te privilegjuara që nga Nisma Socialdemokrate, gruaja nuk është parë vetëm si numër, por si vlerë. Këtë e ka dëshmuar me pozitat udhëheqëse që gruaja bartë në këtë parti. Prandaj, kjo duhet të na shtyjë që të punojmë edhe më shumë”, ka thënë Mimoza Kadriu – Qerimi, transmeton Portali 2LONLINE.com.

Në këtë kuvend ishte e pranishme edhe zv/kryeministrja Albulena Balaj-Halimi, e cila në emër të partisë përshëndeti Kuvendin zgjedhor të Forumit të Gruas të Partisë Nisma Socialdemokrate. /2LONLINE.com/

KOMENTE