Milkoviq i pakënaqur me mospërfilljen nga Kuvnedi të rekomandimeve të Komitetit për komunitete

/2L ONLINE/ – Zhivojin Milkoviq, kryesues i Komitetit për Komunitete në Komunën e Kamenicës, është shprehur i pakënaqur lidhur me mosrealizimin e disa kërkesave dhe rekomandimeve të këtij komiteti nga ana e Kuvendit Komunal.

Ai ka kërkuar që pesë anëtarë të këtij komiteti që njëherësh janë edhe këshilltarë komunal, të kontribuojnë më shumë në Kuvend për realizimin e rekomandimeve të këtij komiteti.

Përndryshe, në takimin e radhës Komiteti e shqyrtoi dhe e aprovoi kërkesën e komunitetit rom për thurjen e varrezave, si edhe shtruarjen e rrugës me zhavorr deri aty.

Anëtari i këtij komiteti Satmifer Kryeziu, propozoi që mbledhjet e këtij komiteti duhet të mbahen para seancave të Kuvendit, në mënyrë që rekomandimet t’i përcillen Kuvendit komunal. Propozimi tillë u mbështet edhe nga anëtarët tjerë të komitetit. /2L ONLINE/