Milaim Zeka: Ali Ahmeti më tha se njërin polic e ka vratë vetë policia

Gazetari i RTKsë Milaim Zeka thotë se kryetari i BDIsë Ali Ahmeti i ka treguar se njërin prej policëve të vrarë në Kumanovë e ka vra vetë policia, e jo anëtarët e grupit të armatosur. Një pohim të tillë ai e ka bë gjatë një debati televiziv në RTK, ku ka pasur të ftuar bashkëbisedues nga Maqedonia, raporton lajmpress.com. Zeka ka shtuar se Ahmeti i ka thënë që polici është vrarë nga kolegët e tij për shkak se ka tentuar ti ndihmojë banorëve civilë të lagjes ku u zhvilluan luftimet. Ai ka mohuar saktësinë e listës së personave të vrarë që u shpall sot në mediume. Pohimet e këtilla të gazetarit Milaim Zeka vijnë një ditë pasi u takua me kryetarin e BDIsë në Tetovë.