Milaim Syla nderohet me mirënjohje për kontributin në komunitet

Kryetari i Komunës së Vitisë, Sokol Haliti, ka ndarë mirënjohje për Milaim Sylën, në shenjë vlerësimi për kontributin e tij të çmuar ndër vite në të mirë të komunitetit.

Gjatë ceremonisë së ndarjes së kësaj mirënjohjeje, kryetari Haliti theksoi se është kënaqësi e veçantë për komunën të ketë qytetarë të përkushtuar, të cilët punojnë vazhdimisht për të mirën e përbashkët të vendit.

Ai vlerësoi në mënyrë të posaçme angazhimin e z. Syla në fushën e arsimit, si dhe rolin e tij në forcimin e bashkëpunimit dhe afrimit ndërmjet komuniteteve dhe fshatrave nga ai vjen.

Me këtë rast, u theksua se kontributi i individëve që shërbejnë me përkushtim për vendin dhe qytetarët mbetet shembull i mirë dhe vlerë e rëndësishme për komunën. /2LONLINE/