Migrimi duhet të parandalohet me hapjen e vendeve të punës

Në mbledhjen e Komitetit Drejtues për liberalizim të vizave, kreu i Qeverise, Isa Mustafa ka thënë se dialogu për liberalizim të vizave mbetet prioritet afat shkurtër. Mustafa ka thënë se emigrimi duhet të parandalohet me hapjen e vendeve të punës.

“Emigrimi ilegal është realitet i dhimbshëm dhe në këtë drejtim kemi marrë masa të shpejta. Do të punojmë për hapjen e vendeve të punës dhe përmirësimin e mirëqenies së qytetarëve. Javën që vjen do ta aprovojmë Programin Qeverisës”, ka shtuar Mustafa.

Ai ka thënë se njerëzuit që po ikin do të kthehen sepse askush në vendet e BE-së nuk ofron azil për kosovarët, pasi që sipas tij, Kosova konsiderohet vend i sigurt.

“Njerëzit që po ikin do të kthehen sepse asnjë vend i BE-se nuk ofron azil për qytetarët e Kosovës sepse Kosova konsiderohet vend i sigurt”, ka thënë Mustafa.