Mifail Azizi pensionohet, nderohet me mirënjohje nga kryetari Haliti

Kryetari i Komunës së Vitisë, Sokol Haliti, i shoqëruar nga drejtoresha për Ekonomi, Financa dhe Zhvillim, Milihate Ajeti, priti sot në takim zyrtarin komunal Mifail Azizi, me rastin e pensionimit të tij.

Me këtë rast, kryetari Haliti e falënderoi z. Azizi për kontributin dhe angazhimin e tij shumëvjeçar në administratën komunale, duke e cilësuar atë si shembull të përkushtimit, profesionalizmit dhe përgjegjësisë në shërbim të qytetarëve.

Në shenjë vlerësimi për punën dhe kontributin e dhënë ndër vite, kryetari Haliti i ndau z. Mifail Azizi një mirënjohje, duke i uruar shëndet, mbarësi dhe një pension të gjatë e të lumtur. /2LONLINE/