Kryetari i Kuvendit të Shqipërisë, Ilir Meta shpreh solidaritetin e tij me qeverinë e Shteteve të Bashkuara të Amerikës, popullin amerikan dhe familjet e viktimave të sulmit terrorist të 11 shtatorit.
Përmes një deklarate për shtyp, Meta thotë se populli shqiptar duhet të jetë krenar që ka një aleat të madh si SHBA-të, kampion i demokracisë dhe vlerave humane.
Kryetari i Kuvendit gjithashtu thekson se Shqipëria dhe forcat e saj të armatosura kontribuojnë përkrah SHBA-ve, NATO-s dhe koalicionit global kundër terrorizmit.
“Populli shqiptar duhet të jetë krenar që ka një aleat të madh si SHBA-të, kampion i demokracisë dhe vlerave humane dhe lider i vendeve të lira dhe demokratike. Shqipëria dhe forcat tona të armatosura kontribuojnë përkrah SHBA-ve, NATO-s dhe koalicionit global kundër terrorizmit, kësaj të keqe të madhe që po godet njerëz të pafajshëm, paqen dhe sigurinë në botë”, shprehet në mesazhin e tij për mediat kryetari i Kuvendit, Ilir Meta.