Meta e Basha urojnë Mustafën

Kryetari i LDK-së,Isa Mustafa, sot pranoi një telefonatë urimi nga Kryetari i Kuvendit të Shqipërisë, Ilir Meta, i cili e uroi Mustafën me rastin e zgjedhjes së tij në postin e Kryetarit të Kuvendit të Republikës së Kosovës.

Kryetari Mustafa dhe Kryetari Meta, u zotuan për bashkëpunim të ndërsjellë parlamentar dhe shkëmbimin e përvojave më të mira parlamentare, thuhet në njoftim.

Po ashtu edhe Kryetari Partisë Demokratike të Shqipërisë, Lulzim Basha i ka dërguar urime kreut të LDK-së, Isa Mustafa pas zgjedhjes në krye të Kuvendit të Kosovës.

Në telegramin e urimit Basha Shpreh bindjen se ligjvënësit e Legjislaturës së Pestë të Kuvendit të Kosovës, do të arrijnë të orientojnë drejt rrugët e zgjidhjes së çështjeve që u shërbejnë interesave të të gjithë qytetarëve të Kosovës për zhvillim ekonomik, punësim dhe mirëqenie, për konsolidimin e demokracisë dhe integrimin europian dhe euroatlantik.