Mësimdhënësit kandidatë për Asamble obligohen ta pezullojnë marrëdhënien e punës pa pagesë

Drejtoria Komunale e Arsimit në Gjilan ka njoftuar se mësimdhënësit kandidatë për Asamble në zgjedhjet e 12 tetorit, duhet ta pezullojnë marrëdhënien e punës pa pagesë për një afat të caktuar, transmeton Portali 2LONLINE.com.

“Duke u bazuar në dispozitat ligjore në fuqi dhe në afatet e përcaktuara nga KQZ lidhur me fushatën zgjedhore, ju njoftojmë se:

Zyrtarët publikë, respektivisht punonjësit e IEA-ve që janë kandidatë për këshilltarë komunal, janë të obliguar që:

• Të pezullojnë marrëdhënien e punës (pa pagesë) duke filluar nga data 05.09.2025 (7 ditë para fillimit zyrtar të fushatës).

• Ky pezullim vlen deri më 17.10.2025 (5 ditë pas përfundimit të fushatës zgjedhore), thuhet në njoftimin e DKA-së.  /2LONLINE/