Mesfushori Lorik Boshnjaku bëhet pjesë e SC Gjilanit

SC Gjilani ka bërë me dije se ka arritur marrëveshje për angazhimin e mesfushorit, Lorik Boshnjaku.

SC Gjilani dhe Boshnjaku tashmë janë në marrëdhënie kontraktuale deri në verën e vitit 2027.

“Boshnjaku afrohet në klub pas përvojave tejet të suksesshme te klubi i Prishtinës dhe Vllaznisë së Shkodrës duke fituar gjithçka që mund të fitohet në futbollin kosovar, derisa ishte pjesë edhe e Suharekës në edicionin e fundit futbollistik”, thuhet në njoftimin zyrtar të klubit kuq e bardh.

Mesfushori nga kryeqyteti do ti bashkohet ekipit në fazën përgatitore e cila fillon më 1 Korrik.

Drejtori gjeneral i klubit, Syart Rrahmani e ka mirëpritur futbollistin dhe i ka uruar shumë suksese me ngjyrat “kuqebardh”.  /2LONLINE/