Merret vendimi për kompensimin e ish-të burgosurve politikë

Qeveria e Kosovës mori sot vendim për kompensimin e ish-të burgosurve politikë.

“Ka qenë objektiv i Qeverisë së Republikës së Kosovës, por edhe imi, të trajtojmë në mënyrë më adekuate të mundshme çështjen e zgjidhjes së ish-të burgosurve politik në kohën e Jugosllavisë dhe pastaj dhe të Serbisë më vonë”, tha kryeministri Thaçi.

Ai ka shtuar se kjo kategori ka paraqitur gjithmonë një kategori të respektuar në shoqërinë kosovare.

“Janë njerëz që kanë sakrifikuar për idealin për liri dhe në të njëjtën kohë kanë qenë si frymëzim për liri dhe pavarësi të Kosovës dhe liri të shqiptarëve në ish-Jugosllavi”ka thënë Thaçi.