Merr detyrën Kryeprokurori i ri i Shtetit, Zejnulla Gashi

Në Zyrën e Kryeprokurorit të Shtetit u mbajt ceremonia e dorëzim-pranimit të detyrës së Kryeprokurorit të Shtetit.

Ushtruesi i deritanishëm i detyrës së Kryeprokurorit të Shtetit, z. Agron Qalaj, ia dorëzoi detyrën Kryeprokurorit të ri të Shtetit, z. Zejnulla Gashi, duke i uruar suksese në ushtrimin e mandatit të tij kushtetues dhe ligjor.

Me këtë rast, Kryeprokurori i ri i Shtetit, Zejnulla Gashi, pas pranimit të detyrës, falënderoi kolegët për besimin e dhënë, duke theksuar se do të jetë kryeprokuror i të gjithë prokurorëve dhe se së bashku me ta, do të punojë me përkushtim për forcimin e sundimit të ligjit. /2LONLINE/