Menaxhmenti dhe kolektivi i NPL “Tregu”, shpreh ngushëllime familjes Isufi pas ndarjes nga jeta të Bajram Isufit

Me pikëllim të thellë ju njoftojmë për ndarjen e papritur nga jeta të drejtorit të NPL TREGU SH.A. Gjilan, z. Bajram Isufi.

Gjatë kohës sa ushtroi detyrën e drejtorit në ndërmarrjen tonë, z. Bajram Isufi dëshmoi përkushtim, profesionalizëm dhe aftësi të veçanta bashkëpunimi. Ai ndërtoi raporte të shkëlqyera me kolegët e ndërmarrjes, tregtarët dhe qytetarët që frekuentonin tregun çdo ditë, si dhe me të gjithë ata që kishin kontakte dhe bashkëpunim të vazhdueshëm me shërbimet e NPL TREGU.

Largimi i tij i parakohshëm na ka tronditur thellë të gjithëve. Humbja e një drejtuesi dhe bashkëpunëtori të tillë është një dhimbje e madhe për të gjithë kolektivin tonë.

Në këto momente të rënda dhimbjeje, menaxhmenti dhe i gjithë kolektivi i NPL TREGU SH.A. Gjilan u shprehin ngushëllimet më të sinqerta bashkëshortes, djemve, familjes së ngushtë dhe familjes së gjerë të të ndjerit.

Në këto çaste të vështira, jemi pranë jush në dhimbje dhe lutje.

Qoftë i përjetshëm kujtimi për të!

Me pikëllim, Menaxhmenti dhe kolektivi i NPL TREGU SH.A. Gjilan