Menaxhimi i ujërave-efekti në mbrojtje të ambientit

Në kuadër të projektit “Bridging Regions”, u zhvillua programi i coaching-ut/konsulencës me Kompaninë Hidromorava në Gjilan.

Sipas Mediana Bislimit, drejtoreshë ekzekutive e CCNO-Center for Cooperation and Networking of Organizations, programi u fokusua në temat e përfshirjes së komunitetit, qytetit të mençur (Smart City) dhe Health & Well-being Coaching, në kontekstin e menaxhimit të qëndrueshëm të ujit.

Ajo ka thënë se gjatë diskutimit me menaxhmentin e kompanisë, u theksua rëndësia e integrimit të teknologjive të mençura dhe e aplikimit të praktikave të bazuara në komunitet për të rritur mbrojtjen e mjedisit dhe efikasitetin e shërbimeve.

“Përfaqësuesit e Hidromoravës ndanë rekomandime të vlefshme për zhvillimin e sistemeve të mençura të ujit dhe forcimin e vetëdijes publike për qëndrueshmëri — duke kontribuar në qëllimin e përgjithshëm të projektit për nxitjen e bashkëpunimit ndërajonal dhe zhvillimit të qëndrueshëm”, bënë të ditur drejtoresha e CCNO-së, Mediana Bislimi.  /2LONLINE/.