Mehmeti: Të rritet shuma për bursa

/2L ONLINE/ – Arben Mehmeti nga kryesia e LDK-së së Gjilanit, anëtar i kuvendit Komunal, dhe njëherësh Kryesues i Komitetit të Arsimit, thotë se Komiteti i Arsimit të Komunës së Gjilanit në mbledhjen e radhës që mbajti më datë 22 prill, rekomandoi për Kuvend Komunal propozimin e DKA për bursa për studentët e komunës së Gjilanit si dhe për nxënësit e shkollës së mesme të bujqësisë.

Ne si komitet i arsimit do të kërkojmë në seancë të kuvendit që shuma aktuale prej rreth 50.000 euro të rritet me qëllim që të përfshihen sa më shumë studentë dhe nxënës në këtë ndihmesë financiare sado simbolike. Andaj ne do të vazhdojmë të përkrahim punët e mira që kryhen në komunën e Gjilanit”, ka thënë Mehmeti /2L ONLINE/