Mehaj: Edhe një sukses i radhës përkrah vëllezërve e motrave, ushtarakë të Republikës së Shqipërisë

Ministri i Mbrojtjes i Kosovës, Armend Mehaj ka bërë të ditur se shtatë kapitenë të Forcës së Sigurisë së Kosovës janë certifikuar në Kursin themelor të oficerit të Shtabit në Akademinë e Forcave të Armatosura të Republikës së Shqipërisë.

Ja postimi i tij i plotë:

Edhe një sukses i radhës përkrah vëllezërve e motrave, ushtarakë të Republikës së Shqipërisë.

Përfundon Kursi Themelor i Oficerit të Shtabit në Akademinë e Forcave të Armatosura të Republikës së Shqipërisë.

Ky kurs ka për qëllim përgatitjen dhe kualifikimin e oficerit në pozicione të ndryshme të shtabeve të njësive brenda forcave si dhe në kuadër të shtabe të task-forcave shumëkombëshe të strukturave të NATO-s.

Në mesin e 30 Kapitenëve kursantë, u certifikuan me sukses të lartë edhe 7 Kapiten nga Forca e Sigurisë të Kosovës.

Urime të diplomuarëve e suksese në detyra e karrierë në të ardhmen.

Së bashku jemi gjithmonë më të fortë! /2LONLINE/