Të gjitha mediat ndërkombëtare kanë filluar me raportim të gjerë rreth arrestimit të pjestarëve të ISIS-it nga Policia e Kosovës. Këto raportime të cilat vijnë kryesisht nga agjensitë globale të lajmeve siç janë Reuters, A Press, AFP dhe DPA fokusin e tyre e kanë vënë kryesisht në faktin që Kosova kohëve të fundit po ballafaqohet me problemin e radikalizmit fetar dhe luftëtarëve shqiptarë që tash sa kohë në numër jo të vogël po u bashkangjiten grupeve terroriste në Siri dhe Irak dhe atë kryesisht atyre të ISIS-it në lufërat fetare.
Me këtë rast citohet edhe zëdhënësi i Policisë së Kosovës Baki Kelani i cili ka thënë që ky aksion ishte i përgatitur qe sa kohë dhe se do të vazhdohet edhe më tej në luftën kundër ekstremistëve në Kosovë. Ai ka thënë që pos të arrestuarve është zënë edhe sasi e konsiderueshme e armatimit dhe municionit tek këta të arrestuar. Ajo që bie në sy është që sidomos agjensitë dhe mediat amerikane të lajmeve po i japin hapësirë të madhe këtij aksioni të Policisë së Kosovës.