Media zvicerane: Gashi duhet të largohet urgjentisht nga Bazeli

Duket se mos aktivizimi i futbollistit shqiptar Shkëlzen Gashi në ekipin e Bazelit, ka bërë bujë mes mediave të shumta zvicerane e shqiptare. Tani së fundi ka shkruar një artikull edhe kolumnisti i njohur i tabloidit zviceran Blick.ch, që këshillon Gashin të largohet menjëherë nga trajneri Urs Fischer, gjegjësisht nga Bazeli.

“Konstelacioni është i qartë: Shkelzën Gashi duhet të largohet nga FCB, në të kundërt, ai rrezikon dy gjëra, e para të shkatërojë karrierën e tij si golashënues dhe e dyta, të humb vendin e tij në kombëtaren e Shqipërisë,” shkruan kolumnisti Kubilay Turkzilmaz, që mbështetet nga 57% e lexuesve zviceran, njofton Bota sot.

Kolumnisti Kubi ka shprehur gjithashtu respekt për trajnerin Urs Fischer për rezultatet e mira, por sa i takon Gashit kjo ka pak rëndësi: ai duhet të largohet sa më shpejtë, pse jo në Budesliga, ku si golashënues mund të gjente veten.
Shkrimi i Kubit ishte në faqen e parë në Blick.ch./Bota sot/