Me shfaqjen “Rebelët”, të martën nis Festivali i teatrit të shkollave të mesme

Drejtoria e Arsimit dhe Drejtoria e Kulturës, Rinisë dhe Sportit në bashkëpunim me Teatrin e Gjilanit do të organizojnë Festivalin e teatrit të shkollave të mesme, me nxënësit e shkollave të mesme, i cili do të mbahet në Teatrin e Qytetit të Gjilanit, nga data 1 deri më 5 Qershor.

“Festivali ka për qëllim promovimin e artit dhe teatrit si mjet për përcjelljen e mesazheve dhe ngritjen e vetëdijes për vlerat njerëzore, të adresojë fenomenet negative, të promovojë pjesëmarrjen, barazinë dhe diversitetin e nxënësve si dhe do të ketë karakter garues. Suksese për të gjithë pjesëmarrësit”, ka thënë Nazim Gagica, drejtor i DKA-së në Gjilan, transmeton Portali 2LONLINE.com.

Përndryshe, do të jepen pesë shfaqje. Ky është kalendari i shfaqjeve.

Të gjitha shfaqjet mbahen në teatrin e qytetit  të Gjilanit, fillojnë prej orës 19:00.  Për shkak të situatës me pandemi, numri i ulëseve është i kufizuar. /2LONLINE.com/