Me këngë e valle u përmbyll festa për Ditën e Çlirimit të Kamenicës

Sheshi “Metush Krasniqi” ishte mbushur mbrëmë me qytetarë për të festuar 26 vjetorin e Ditës së Çlirimit.

Për të shënuar këtë ditë, Drejtoria për Kulturë, Rini dhe Sport e Komunës së Kamenicës, organizoi disa aktivitete, ndërsa dita u përmbyll me koncertin që u mbajt në këtë shesh.

Qyetetarët e shumtë duartrokitën artisten e muzikës popullore Shkurte Fejza, ku me këngët e saj patriotike solli emocione të shumta tek të pranishmit.

Edhe artistja kamenicase Nazmije Demolli Kastrati me këngët e saj argëtoi publikun vendas, dhe së bashku me të rinjë e të reja nga ansambli i këngëve dhe valleve “Zëri i Kamenicës” hijeshuan edhe më shumë natën festive të 18 Qershorit. /2LONLINE/