ME JAMES BROWN

ME JAMES BROWN
(1933 – 2006)

Meti REXHEPI

Si u çilke lulet e këngës
lehtë lehtë aq lehtë
e ma mbështjellje timen zemër
si diell nate që rrezonte tinguj
dhe melodinë e tëholloje me limë tingujsh
në tetë copë atë zemër këlthitjeve ua shtroje
drithëruese secila copë
magnetizuese çdo ngritje – zbritje melodie
përmes tingullit shpirtit i thoshe dil
dil ore dil
nga zymtësia jote e plogështisë

dil
se je bilbil
e vdekjen e ke pos në këngë

nga një syprinë
këngës ia shpie dashurinë
në majën e bjeshkës piramidë të lartë
dhe e zbrisje poshtë në luginë
të rridhte me gurgullimë
borën që shkrinë

nëse aorta nuk ka valëzim shtytjeje
në grykë zemre të melodisë
për secilën zemër
jepi dhe grahmat e fundit
se doje që melodia për galdimin
të kumbonte ta tundte drithërimin
fort fort fort
ritëm ritëm ritëm i prekshëm rrëqethës
dhe jepi jepi tok tok tok jepi
ritmet prekin edhe të vdekshmit

ngjyrat drithëruese të këngës
i djegin dhimbjet tuaja në mua
thoshe: unë ngre me kordat melodike ura
aty ku ju kam
gjithandej në këngë

bilbil dil në ballë
ti tenor i korit
që kalleshe flakë
dhe turmën e hidhje në delir të galdimit

/Gjilan, prill 2025/