Me garën në lojërat elektronike përmbyllet ‘’Kamenica Summer Fest’’

Me datën 5 gusht, lokali Royal Club në Kamenicë mblodhi gjithsej 16 ekipe, garues të lojërave elektronike në FIFA, ku më të mirët, kaluan pastaj në finale.

Amfiteatri i qytetit mblodhi shumë të rinj entuziast për të ndjekur finalen me ekipet triumfuese nga faza e parë.

Me një numër të madh të të apasionuarve për të zhvilluar garën në FIFA, ekipet fituese garuan me njëra tjetrën, duke luajtur deri në orët e vona të mbrëmjes.

Me një garë interesante e garues super të talentuar, në fund të lojës, u shpallën fitues Ardit Halimi dhe Shyqeri Rexhepi, të cilët morën shpërblimin në vlerë prej 500 euro.

Kurse, në vendin e dytë, u radhitën Valmir Demaj dhe Ilir Demaj, të cilët morën shpërblimin prej 200 euro.

Organizimi madhështor kulturor e sportiv i ‘’Kamenica Summer Fest’’, u përmbyll me aktivitetin e fundit për këtë verë e që ishte gara në CS GO.

Spektakël e lojë tejet atraktive dhanë edhe adhuruesit e lojërave elektronike në CS GO e cila po ashtu u zhvillua në dy faza.

Me gjithsej 9 ekipe, finalja e CS GO është mbajtur në bulevardin e qytetit, me një interesim të jashtzakonshëm të të rinjve, të cilët kanë qëndruar deri në përfundimin e kësaj gare.

Kubix Gaming ishte ekipa fituese e cila mori shpërblimin në vlerë prej 1200 euro. /2LONLINE/