Me fitore ndaj Llapit, skuadra gjilanase FC Drita siguroi titullin e kampionit

FC Drita e ka siguruar titullin e kampionit të Kosovës, katër xhiro para përfundimit të edicionit 2024/25 në Albi Mall Superligën e Kosovës në Futboll.

Në ndeshjen e javës së 32-të, Drita e mposhti Llapin, me rezultat 1:0, me golin e shënuar nga Iljasa Zulfiu.

Kjo fitore e skuadrës “bardhekaltër” dhe tri pikët e reja bëjnë që Drita të grumbullojë tani 69 pikëve, një diferencë prej 12 pikësh ndaj Ballkanit të vendit të dytë dhe duke pasur parasysh që Drita i ka fituar të tri përballjet e drejtpërdrejta ndaj Ballkanit, edhe në rast të barazimit eventual të pikëve në fund të kampionatit, Drita e ka të sigurt titullin.

Ky është titulli i katërt kampion në histori për Dritën, pas atyre të fituar në vitet 2003, 2018 dhe 2020. /2LONLINE/