Me ekspozitë kujtohen të dëbuarit nga Kosova Lindore
/2L ONLINE/ – Sot (e enjte) në Gjilan mbahet evenimenti “Gjilani kujton ditët e të dëbuarve nga Kosova Lindore”,i organizuar nga Zyra për Preshevë, Bujanoc dhe Medvegjë, nën patronatin e Zyrës së Kryetarit të Komunës së Gjilanit, ka bërë të ditur Gentiana Shabani, . koordinatorja e Zyrës për Preshevë, Bujanoc dhe Medvegjë
“Me këtë rast do të bëhet ekspozimi i fotove të cilat dëshmojnë dëbimin e shqiptarëve nga Lugina e Preshevës nga forcat serbe në qershorin e vitit 1999, si dhe dhunën sistematike që pushteti serb ushtron mbi ata pak qytetarë që kanë mbetur atje. Poashtu, do të marrin pjesë edhe shumë zyrtarë me ndikim në Republikën e Kosovës dhe në Kosovë Lindore”, ka thënë Gentiana Shabani
Evenimenti fillon nga ora 16.30 dhe mbahet në Galerinë e Teatrit të Qytetit të Gjilanit. /2L ONLINE/