Më 16 Maj 2023, me fillim nga ora 09:30 – 11:30, në ambientet e Hotel Emerald, mbahet ceremonia për themelimin e Shoqatës së Miqësisë, Kosovë-Austri.
Për eventin ka njoftuar, avokati gjilanas, Arsim Vranovci, i cili është edhe President i Shoqatës së Miqësisë Kosovë-Austri, Pronar i Global Consulting & Development Associates dhe i Global Legal Business si dhe President i Këshillit të Bizneseve të Rajonit të Gjilanit.
Kurse i ftuari special në këtë ngjarje do të jetë, Eurodeputeti nga Austria, Lukas Mandl.
Përndryshe, Vranovci, paraprakisht shprehet i nderuar dhe i kënaqur me gjithë pjesëmarrësit e paralajmëruar që do të vijnë në këtë event për t’i dhënë kuptim dhe shije kësaj ngjarje jashtëzakonisht të rëndësishme për dy shtetet mike, Kosovë-Austri. /2LONLINE/
