Mbyllja, jotransparenca e nervoza e pozitës, lë vend për dyshime

/2L ONLINE/ – Anëtarët e Kuvendit Komunal të Gjilanit në seancën e sotme po diskutojnë për momentin rreth Informatës rreth organizimit të Manifestimit tradicional “Flaka e Janarit” 2016.
Por, Për Bujar Nevzatin anëtarin e Kuvendit nga radhët e PDK-së, subjektit opozitar, aktiviteti i sivjemë ka pas ngjyrime politike dhe në këtë kontekst përmendi bordin e Flakës që sipas tij ishte politik.

Ai po ashtu tha se as nuk dëshiron të thotë se pse është shpenzuar, që ka pas keqëpërdorime, por se thotë se mungesa e një raporti financiar analitik për Flakën e Janarit, lë vend për të dyshuar.

Ai tha se, nëse çdo gjë ka qenë në rregull, atëherë nuk e di çka ka pozita për të fshehur, pse s’ka transparencë dhe pse nuk po sjelljet para kuvendarëve një raport financiar analitik.

Ai tha se kjo mungesë e këtij raportit, mbyllja ndaj kësaj çështje, jo transparenca, nervoza që po shfaqet tek anëtarët e pozitës në Kuvend, lejon dyshime se në shpenzimet e Flakës së Janarit ka pas keqpërdorime.

Nevzati ka kërkuar nga ky pushtet të raportojë shlirë shpenzimet sepse ata nuk janë kundër shpenzimeve për një aktivitet të tillë, ngase e din se duhet mjete për të, por vetëm se kërkohet transparencë dhe të bëhen ato publike. /2L ONLINE/