Mbyllet faza e parë në Ligën “Agim Ramadani”

(2L ONLINE) – Më ndeshjet e javës së pesëmbëdhjetë në program është mbyllur faza e parë në Ligën “Agim Ramadani”. Vikendi i kësaj jave dha verdiktin final si dhe tabelën përfundimtare se cilat nga skuadrat kanë zënë hapin e fundit për të konkuruar deri në fund për çmimin e madh.
Eurolloto përkundër humbjes ndaj FSK-së, ka zënë vend në trenin që dërgon skuadrat në Play off. Biletën e siguroi vetëm pas humbjes së Dobërçanit ndaj MobiCasas në ndeshjen e së dieles.

Me fitoren ndaj Las Vegasit, skuadra Katana e ka siguruar një plasma të mirë në pozitën e tretë duke e pritur tani qetë garën e play offit. Djemt e Qytetit gjithashtu kanë bërë një hap para pasi kanë mposhtur Karadakun për tu ngritur në javën e fundit në klasifikim.

Skuadrat, The Living Room dhe Vëllezërit Aliu kishin siguruar qysh moti play offin, duke u klasifikuar në dy pozitat e para që i mundësojnë atyre rehati deri në gjysmëfinale. Data për fillimin e play offit do të mësohet së shpejti, ndërkohë skuadrat do të kenë mundësinë e tyre të përforcohen në një mini afat kalimtar.

/Drilon SYLEJMANI/ 2L ONLINE/