Mbyllen ndeshjet çerekfinaliste të Kupës, eliminohen Gjilani dhe Vushtrria

Mbyllen ndeshjet çerekfinaliste të Kupës, eliminohen Gjilani dhe Vushtrria

Kanë përfunduar ndeshjet çerekfinaliste të DigitAlb Kupës së Kosovës në futboll, gjersa dy skuadra u eliminuan. SC Gjilani përfundon ‘ëndrrën’ në këtë fazë, pasi u eliminua nga KF Drenica me rezultat 2:1.

“Kuqezinjtë” kanë realizuar dy gola në vazhdimet e ndeshjes, pasi që koha e rregullt përfundoi me rezultat të barabartë 0-0.

Hasan Hyseni dhe Genc Hamiti realizuan për skuadrën nga Skenderaj, derisa Fiton Hajdari për gjilanasit.

Kujtojmë që Gjilani luajti me një lojtarë më pak nga minuta e 60-të e ndeshjes pasi që mbrojtësi Franc Veliu u ndëshkuar direkt me karton të kuq.

Ndërkohë, në ndeshjen tjetër të çerekfinales, skuadra e Prishtinës triumfoi me lehtësi përballë ‘njomakëve’ të FC Vushtrrisë. Otto John me dy gola, Endrit Krasniqi dhe Ergyn Ahmeti realizuan nga një tjetër për skuadrën kryeqytetase.

KOMENTE