Mbyllen Lojërat Evropiane Minsk 2019, xhudoja i sjell tri medalje Kosovës

Mbyllen Lojërat Evropiane Minsk 2019, xhudoja i sjell tri medalje Kosovës

Kosova i ka mbyllur me plot sukses Lojërat Evropiane, të cilat u mbajtën nga 21 deri më 30 qershor në Bjellorusi. Kosova u përfaqësua me 12 garues në “Minsk 2019” në sportet si xhudoja, karateja, boksi, pingpongu e shigjetaria.

Edhe këtë herë, Kosovës ia zbardhi fytyrën xhudoja. Ky sport luftarak ia solli vendit tri medalje, me të cilat e mbylli këtë garë prestigjioze.

Majlinda Kelmendi e fitoi medaljen e artë në kategorinë 52 kilogramë, Nora Gjakova të argjendtën në 57 kilogramë dhe Loriana Kuka të bronztën në 78 kilogramë.

KOMENTE