Mbretëresha Elizabeth II uron Presidenten Jahjaga për Pavarësi

Mbretëresha Elizabeth II e Mbretërisë së Bashkuar e ka uruar presidenten e Kosovës, Atifete Jahjaga me rastin e përvjetorit të Pavarësisë së Republikës së Kosovës.

“Është kënaqësi e madhe t’i dërgoj Shkëlqesisë Suaj urimet e mia me rastin e festimit të Ditës tuaj kombëtare, bashkë me dëshirat më të mira për fat dhe lumturi popullit të Kosovës në të ardhmen,” thuhet në urimin e Mbretëreshës Elizabeth, njofton ambasadori i Kosovës në Britani, Lirim Greiçevci në Facebook.