Mblidhen protestuesit në shesh

Para Ndërtesës së Qeverisë së Kosovës, janë grumbulluar qytetarë të shumtë, në protestën e organizuar nga Lëvizja Vetëvendosje,

Me flamuj kombëtarë , pankarta dhe me simbole të Trepçës, protestuesit kanë nisur të grumbullohen në sheshin “Skënderbeu”, para ndërtesës së Qeverisë. Numri i protestuesve është duke u rritur në çdo moment dhe brohoritjet kanë nisur.

Dardan Sejdiu, nga VV, tha se protesta do të jetë e qetë sikur herën e kaluar, së paku sa i përket aktivistëve të Lëvizjes Vetëvendosje, ndërsa shtoi se ‘pushteti aktual po provon në çdo formë me i ndalë qytetarët’.

Sejdiu, ka treguar më tutje se në lagjen Veternik janë bllokuar disa autobusë, dhe nga atje qytetarët janë detyruar të ecin në këmbë deri në shesh.

Më herët, Policia e Kosovës ka konfiskuar edhe skenën improvizuese të Lëvizjes Vetëvendosje, një kamion i cili ishte përgatitur për mbajtjen e fjalimeve. Kështu ka pohuar për Erzen Vraniqi nga Lëvizja Vetëvendosje, duke theksuar se pushteti po mundohet me çdo kusht ta pengojë protestën. “Pushteti me çdo kusht po mundohet me pengu mbajtjen e protestës. Kjo është skandaloze dhe pengesë direkte e lirisë së shprehjes së qytetarëve”, ka thënë Vraniqi.

Ndërkaq tashmë edhe kryetari i Aleancës për Ardhmërinë e Kosovës, Ramush Haradinaj së bashku me kryesinë e tij të partisë iu ka bashkangjitur protestës së sotme

http://www.rtklive.com/?id=2&r=18630