Mbi 2 mijë gjoba trafiku brenda 24 orëve të fundit

Duke iu referuar statistikave policore brenda 24 orëve të fundit, në tërë territorin e vendit janë shqiptuar 2 mijë e 20 tiketa gjobitëse për drejtuesit e automjeteve që nuk kanë respektuar ligjin.

Policia e Kosovës në raportin e saj ka bërë me dije për 51 aksidente trafiku, 1 me fatalitet, 19 me lëndime dhe 31 me dëme materiale, por pa të lënduar, transmeton Portali 2LONLINE.com.

Përndryshe, brenda kësaj periudhe kohore janë arrestuar 7 persona, 4 prej tyre janë dërguar në mbajtje. /2LONLINE/

AKSIDENT TRAFIKU ME FATALITET

Fsh. Vugovë, Gjakovë/ 27.04.2025-01:55.  I dyshuari mashkull shtetas i Shqipërisë  duke drejtuar automjetin  dyshohet se nga pakujdesia ka humbur kontrollin mbi automjet me ç’rast ka shkaktuar vet aksident. Si pasojë lëndime vdekjeprurëse ka pësuar vetë drejtuesi vdekjen e të cilit e ka konstatuar ekipi mjekësor,  ndërsa lëndime trupore kanë pësuar tre viktimat meshkuj shtetas të Shqipërisë të cilët janë duke u trajtuar në spitalin e Gjakovës. Me vendim të prokurorit trupi i pajetë është dërguar  në IML për obduksion, rasti nën hetime.