Mbi 2 mijë e 200 gjoba brenda 24 orëve të fundit

Duke iu referuar statistikave policore brenda 24 orëve, në tërë territorin e vendit janë shqiptuar 2 mijë e 224 tiketa gjobitëse për drejtuesit e automjeteve që nuk kanë respektuar ligjin.

Policia e Kosovës në raportin e saj të 24 orëve të fundit, ka bërë me dije për 66 aksidente  trafiku, 1 me fatalitet, 19 me lëndime dhe 46 me dëme materiale, por pa të lënduar, transmeton Portali 2LONLINE.com.

Përndryshe, brenda kësaj periudhe kohore janë arrestuar 21 persona, 13 prej tyre janë dërguar në mbajtje dhe 3 në vuajtje të dënimit. /2LONLINE/