Mbështeten materialisht nxënësit e suksesshëm të Gjilanit, Dafina Abdyli dhe Lindrit Jahiu
/2L ONLINE/ – Kryetari i Komunës së Gjilanit, Lutfi Haziri, ka nënshkruar sot vendimin për subvencionimin e shkollimit për dy nxënësit e suksesshëm të Gjilanit, Dafina Abdyli dhe Lindrit Jahiu, të cilët kanë fituar bursa shkollimi në kolegjin “Mehmet Akif”.
Me këtë vendim, do të bëhet pagesa në shumën prej 1 mijë euro për secilin, që përfshihet vendosja në konvikt, transporti dhe ushqimi në kolegjin “Mehmet Akif” në Lipjan.
Kryetari Haziri ka nënshkruar vendimet në prezencën e dy nxënësve, për të cilët tha se janë shembulli më i mirë i punës dhe i përkushtimit.
“Me punën, përkushtimin dhe sukseset e jashtëzakonshme, ju jeni shembulli më i mirë i nxënësve të Gjilanit. Vazhdoni të punoni shumë dhe të tregoni suksese në mënyrë që të gjejmë forma që t’ju mbështesim edhe në dy vitet e ardhshme”, ka thënë Haziri. /2L ONLINE/