Mbahet turneu i futbollit i grupmoshave U11

Kanë vazhduar aktivitetet në kuadër të manifestimit “Ditët e Mërgatës” – “Rrënjë dhe krahë”, ku u zhvilluar turneu i futbollit i grupmoshave U11.

Kryetari i Komunës së Gjilanit, Alban Hyseni, tha se në kuadër të aktiviteteve “Ditët e Mërgatës” – “Rrënjë dhe krahë”, u mbajt një turne futbolli i grupmoshave U11, në Shkollën Fillore “Selami Hallaqi”.

Sipas tij aktiviteti pati mjaft interesim dhe u organizua në mënyrë të jashtëzakonshme.

“Ky turne sportiv dëshmoi edhe një herë talentin e të rinjve tanë dhe se ata kanë të ardhme”, tha Alban Hyseni.

I pari i Komunës së Gjilanit, përgëzoi fituesit: Vendi i parë – “FC Drita” , vendi i dytë – “SHF Galaksia”, Shkolla më fairplay “Don Bosko” dhe lojtari më i mirë Orges Xhelili. /2LONLINE/