Mbahet trajnimi: “Pjesëmarrja e të rinjve të komunitetit rom në jetën publike”

Dardanapress mbanë trajnimin me temën: “Pjesëmarrja e të rinjve të komunitetit rom në jetën publike”.

Organizata Jo-qeveritare Dardanapress, në kuadër te projektit “Promovimi dhe Avancimi i të Drejtave të Komunitetit Rom në Komunën e Kamenicës”, ka mbajtur trajnimin  një ditor me temën “Pjesëmarrja e të rinjve të komunitetit rom në jetën publike në Komunën e Kamenicës”.

Qëllimi i organizimit të trajnimit  është  rritja  pjesëmarrjes të komunitetit romëve në nivelin lokal, si dhe aktivizimi i të rinjve rom në jetën sociale, ekonomike, kulturore, sportive në Komunën e Kamenicës

Temat kryesore  në trajnim ishin: Informimi i pjesëmarrësve me ligjin dhe rregulloret në fuqi për të drejtat e komuniteteve, e drejta në edukimit, e drejta  ekonomike dhe sociale për Komunitetin Rom, Pjesëmarrja e të rinjve  romë  në jetën publike si dhe në procesin e vendim-marrjes         .

Pjesëmarrësit gjatë trajnimit kanë paraqitur kërkesat dhe nevojat e të rinjve të komunitetit Rom dhe si rekomandime kryesore të dala janë: Ndarja e fondeve, subvencionimi i organizatave joqeveritare rom, përfshirja e të rinjve në  aktivitetet rinore që organizohen në nivelin lokal, organizimi i ekskursioneve, organizimi i kursit për mësimin e gjuhës shqipe, organizimi i kurseve për aftësim profesional, etj.

Në këtë trajnim kanë marrë pjesë: Nënkryetarja për Komunitete, zyrtarja për barazi gjinore, të rinjtë komunitetit Rom, përfaqësues të organizatave të shoqërisë civile.

Ky projekt është financuar  nga Zyra e Kryeministrit, Zyra për Çështje te Komuniteteve. /2LONLINE/