Mbahet takimi i radhës i Komisionit për Administrimin e Prokurorive

Komisioni për Administrimin e Prokurorive, nën kryesimin e z. Jetish Maloku, mbajti takimin e radhës, në të cilin morën pjesë anëtarja e Komisionit, znj. Laura Pula, Drejtoresha e Njësisë për Shqyrtimin e Performancës së Prokurorëve (NJSHPP), znj. Arta Kelmendi, si dhe përfaqësuesja e Sekretariatit të Këshillit Prokurorial të Kosovës (SKPK), znj. Besë Mujaj.

Qëllim kryesor i këtij takimi ishte shqyrtimi i analizës lidhur me vlerësimin e nevojave për numrin e prokurorëve në Prokurorinë Themelore në Prizren.

Në këtë kontekst, Komisioni shqyrtoi të dhënat përkatëse mbi ngarkesën e punës së kësaj prokurorie, përkatësisht numrin e lëndëve në procedurë, në raport me numrin aktual të prokurorëve, si dhe aplikimin e normës orientuese vjetore për efikasitetin e punës prokuroriale.

Me këtë rast, anëtarët e Komisionit aprovoi analizën e vlerësimit të nevojave për prokurorë në Prokurorinë Themelore në Prizren, e cila do të procedohet për shqyrtim dhe vendimmarrje në takimin e radhës së Këshillit Prokurorial të Kosovës. /2LONLINE/